ஏமாற்றிவிட்டதே ஏர்‍ பிரான்ஸ்

உலகத்தின் அனைத்து தொழில் நுட்பங்களையும் பயன்படுத்தி மிகப்பிரம்மாண்டமாக தயாரிக்கப்பட்ட AF 447 ரக ஏர்பஸ் விமானம் 228 பயணிகளுடன் மேலோகத்திற்கு பயணித்துவிட்டது. பிரேசிலில் இருந்து ஞாயிற்றுக்கிழமை இரவு 11.30 மணிக்குப் புறப்பட்டு மறுநாள் காலை 9.10 மணிக்கு பாரிஸை அடைய வேண்டிய ஏர்பஸ் அட்லாண்டிக் கடலிலின் மேற்பரப்பில் வெடித்துச் சிதறியதாகக் கூறப்படுகிறது. 

மிக மோசமான வானிலை காரணமாகவே மின்னல் தாக்கியதால் அதன் உயர் தொழில் நுட்ப பாகங்கள் சேதமாகி பயணிகளையும் சிதைத்து விட்டது. வழக்கமாக அது பயணிக்கும் பாதை மிகவும் மோசமானது தான் என்றும் மேலும் நேற்றய தினம் அதைவிட மிக மோசமான வானிலையே காணப்பட்டது என்றும் ஒருவேளை அதன் காரணமாக கூட அது வெடித்து இருக்கலாம் என்றும் அவர் தெரிவித்திருந்தார். 

பிரேசிலில் இருந்து 400 கி.மீ. தொலைவில் அட்லாண்டிக் கடலில் அந்த விமானம் விழுந்திருக்கலாம் என்றும் விபத்துக்குள்ளானபோது அந்த விமானம் 35,000 அடி உயரத்தில் மணிக்கு 760 கி.மீ. வேகத்தில் பறந்து கொண்டிருந்தாகவும் தெரிவிக்கப்பட்டுள்ளது.இந்தப் பகுதியில் செயற்கைக் கோள்கள் மூலமும் விமான பாகங்களைத் தேடும் பணி நடக்கிறது. கருப்புப் பெட்டியைத் தேடும் பணியும் மும்முரமாக்கப் பட்டுள்ளது. தன் சொந்தங்களைப் பார்க்க அல்லது சுற்றுலா மகிழ்சியிலே மிதந்திருந்தவர்கள் அட்லாண்டிக் பிரதேசத்தில் மிதப்பார்கள் என்று அவர்கள் கூட நினைத்திருக்காத நிலையில் நடந்துவிட்ட இந்தத் துயரச்சம்பவம் குறித்து அறிய பாரீஸ் மற்றும் பிரேசிலின் சர்வதேச விமான நிலையங்களில் பயணிகளின் உறவினர்கள் சோகத்தோடு குவிந்துள்ளார்கள். இந்தக் கோர விபத்தில் உயிரிழந்த பயணிகளுக்கு நாமும் இரங்கல் தெரிவிப்போம்.