ஆட்டய போட்ட அமெரிக்கா காசு

உலக சினிமா ரசிகர்களை ஒப்பிடும் போது தமிழ்ரசிகன் கொஞ்சம் வித்தியாசமான‌வன். “தலைவா!” என தலையில தூக்கி வச்சிக்கிட்டு ஆடுவான். மொத நாள் படப்பொட்டி வரும் போது தலைவர் படம் போட்ட டீ சர்ட்ட போட்டுகிட்டு காலைலயே கடயாண்ட போயி ஏத்திகிட்டு சட்டய சுருட்டி இடுப்புல கட்டிகிட்டு தலையில கர்சீப்ப கட்டிகிட்டு பேண்டு வாத்தியம் முழங்க காலத்தூக்கி ஆடுவான் பாரு.,,ஆஹா கண்கொள்ளாக் காட்சி. ஆனா அதே தலைவன் தமிழர்கள் பத்தியோ,தமிழ்நாடு பத்தியோ ஒரு வார்த்தை வாய்தவறி சொல்லிட்டார்னா முடிஞ்சது கத.அவன் படத்துக்கு செருப்புமால போட்டு கழுத ஊர்வலம் வச்சி அவனமாரி ஒரு பொம்மசெஞ்சி அது தலையில செருப்பாலயே அடிச்சி அடிச்சி அந்த பொம்மயக் கொழுத்தி தலைவனுக்கு பொங்கவச்சி போகி கொண்டாடுவான் பாரு, அதுவும் கண்கொள்ளாக் காட்சிதான். ஒரு காலத்துல பறந்து பறந்து அடிச்சவுக ஒரு காலத்தூக்கி செவத்துல வச்சி மறுகாலால ஒதச்சவக எல்லாம் இப்ப எந்த மூலையில் மொடங்கிகெடக்காகன்னு தெரியல.இப்பவும் சிலபல பெருசுக மட்டும் தலையில டோப்பாவ கவுத்திகினு பொங்கலுக்கு வெள்ளயடிச்சமாரி மூஞ்சில பவுடர அப்பிகினு கொள்ளுப்பேத்தி வயசுப் பொண்டுக கூட குத்தாட்டம் போடுதுக.

அந்த வகையில ஒரு கெழம் நடிச்சி வேகமா (தியேட்டரவிட்டு) ஓடுற படந்தேன் 1977. "என் மக்கா,நான் அமெரிக்காவுல இருந்து ஆட்டயபோட்டுகினு வந்த காசெல்லாம் இப்புடியா அநியாயமா போவனும் யாத்தே" என்று அரசியார் அழுதுபுலம்பும் அளவுக்கு அருமையாக வந்திருக்கிறது படம். என்ன கத என்ன கத...,ஜேம்ஸ்பாண்டு படங்களை மிஞ்சிற திரைக்கதை,,அடடடடா இதுவரைக்கும் யாருமே சொல்லாத ஒரு புது கதய சொல்லி தமிழ்சினிமா தரத்த மேலோங்கச்செய்ய வந்துள்ள படம்.

என்ன சிந்தனை என்ன சிந்தனை.கதய பத்தி என்கிட்ட கேட்காதிய ராசாக்களா. உங்க கையில நெறய காசு இருந்தா போய் படத்த பாருங்க. ஏற்கனவே வாழ்க்கையில் விரக்தியடைஞ்சி போயிருக்குற நண்பர்கள் இந்த படத்த பாத்தீகண்ணா, அத்தோடு முடிஞ்சது உங்க கத.அப்பறம் அடுத்த நாளு உங்க படத்தோட செய்திய பேப்பர்ல தான் பாக்கனும்.

நமீதாவுக்காகவும் பர்ஸானாவுக்காகவும் இவ்வளவு மெனக்கட்டு செலவு செஞ்சி காச வேஸ்ட் பண்ணியிக்க வேனாம். போட்ட காசுல ஜஸ்ட் 10 % மட்டும் செலவு பண்ணி பார்க் செரடன்ல 2 நாள் ரூம்புக் பண்ணியிருந்தா அவ்வள‌வு காசும் மிச்சம். ஊரான் ஊட்டு நெய்யே என் பொண்டாட்டி கையேன்னு அள்ளிவிட்டிருக்கிய. உங்களுக்கு “அது” வேனும்னா காதும்காதும் வச்ச மாதிரி ராவோட ராவா முடிச்சிட்டு போங்களேம்பா. இதுக்கு ஏன் ஒரு படம் எடுக்கனும்? எங்க நேரத்துக்கும் காசுக்கும் வேட்டு வெக்கெவா. எங்களுக்கு மட்டுமா வேட்டு, தமிழ்சினிமா,அரசியாரின் காசு எல்லாத்துக்கும் தான் வேட்டு. பாவம் திருட்டு டிவிடி விற்பவர்கள்,இந்த படத்த நம்பி எவ்ளோ முதலீடு செய்தார்களோ? ஒரு வேளை தியேட்டர்காரங்க நஷ்ட ஈடு கேட்கும் போது இவங்களும் கேட்டாலும் ஆச்சரியப் படுவதற்கில்லை. நாட்டாம கடைசியா ஒரு அட்வைஸ். நீங்க இந்த மாதிரி படம் எடுத்துகினு திரிஞ்சா எலக்சன் நேரத்துல தவறுதலா விரல் மாறி உங்களுக்கு விழுகுற ஓட்டுக்கும் ஆப்பு ஆயிரும். பாத்துக்கங்க சொல்லிப்புட்டேன் ஆமா.

அறிவிப்பு:நமது கழுதையில் நாளை முதல் அதிரடி காமெடி "கபாலி கார்ட்டூன்" ஆரம்பம். படிக்கத்தவறாதீர்கள்.(கார்ட்டூனை கிளிக் செய்து படிக்கவும்)