ஆராதனை வாங்கிய‌ ஆற்காடு வீராசாமி

ஆற்காடு வீராசாமி, இவர் மொகத்த பார்த்தவுடனேயே நமக்கு,வாசல்ல மாட்டுற திருஷ்டி பூசனிக்காய் தான் நினைவுக்கு வரும்.தற்காலத்தில் இருக்கும் நம்மை கற்காலத்திற்கு அழைத்துச்சென்றவர். இந்த பெயர கேட்டாலே பல பேருக்கு எரியும்.காரணம் இவரோட பொழப்பே எரியிறத அணைக்கிறது தான்.சமீபகாலமா உணவுப்பொருட்களை விட சீமெண்ணை,காடா விளக்கு, மெழுகுவர்த்தி, சிம்னி, அரிக்கேன்,லாந்தர் போன்ற யாருமே சீண்டாத பொருட்கள் கடும் கிராக்கியுடன் கிடுகிடுவென விலையேறியது.எங்க ஊரு பக்கமெல்லாம் ஒரு அரிக்கேன் லாந்தர் வாங்கறதுக்கு கடையில போயி ரேசன்கார்டு காப்பிய கொடுத்து முன்பதிவு செய்ய வேண்டிய நிலை வந்தது. “ஒரு கார்டுக்கு ஒன்னுதான் கிடைக்கும் அதுவும் ரெண்டு மூனூ நாள் ஆவும்” அப்டின்னெல்லாம் கிளப்பி விட்டானுங்க. அவ்ளோ டிமாண்டு.பிளாக் மார்க்கெட்டுல லாந்தர் விளக்கெல்லாம் விற்கப்பட்டது. கொஞ்சம் விட்டிருந்தா கீழ்க்கண்டவாறு வாழ்த்து வால் போஸ்டர்ரே ஒட்டியிருப்பாங்க.

வரும் தேர்தலில் திமுக தோல்வியடைந்தால் அதற்கு நானே காரணம் (அதான் நடக்கப்போவுது) என முன்னொரு மேடையில ஆற்காட்டார் பேசியிருந்தது பலருக்கு ஞாபகமிருக்கும்.  இப்ப என்ன மேட்டர்னா நேத்து அண்ணா அறிவாலயத்துல அவர் தம்பி அதாங்க வெளம்பர கம்பெனிக்காரருக்கு கல்யாணம் நடந்திச்சில்ல‌ , அதில கலந்து கொண்டு பேசிய நம்ம கவிஞரம்மா கணிமொழி  நம்ம மின்வெட்டு வீராசாமிய புகழ்ந்த புகழ்சியக் கேட்டு கூட்டத்திலேயே பலர் ரகசியமாக வாயப்பொத்தி சிரிக்க ஆரம்பிச்சிட்டாங்கலாம். கவிஞர்.கணிமொழி பேசும்போது "தலைவருக்கும், தொண்டர்களுக்கும் இடையே ஒரு உறவுப்பாலமாக இருந்து வருபவர் ஆற்காட்டார்(ஆமா கரெண்டு கட் ஆனவுடனே கலைஞரத்தானே எல்லாம் திட்டுவாங்க.அப்ப திணமும் மக்களுக்கும் கலைஞருக்கும் இடையே ஒரு பாலம் ஏற்படும் இல்லயா? அதத்தான் சொல்றாங்க) . தலைவர் இடும் கட்டளைகளை அருகில் இருந்து செய்யக்கூடியவர்(கட்டப் பஞ்சாயத்தும் தலைவர் இடும் கட்டளையா?). நாங்கள் அருகில் இல்லாவிட்டாலும் கூட பரவாயில்லை. ஆற்காடு வீராசாமி அருகில் இருப்பதை கலைஞர் மகிழ்ச்சியாக கருதுவார் (ஆமா திருஷ்டிபடாம இருக்க அவருதான் கரிக்கிட்டு) என்று புகழ்ந்து தள்ளிவிட்டார்.

இப்ப நாடு இருக்கிற நெலமைல இதெல்லாம் தேவையா? கடைசியா ஒரு கேள்வி. நேற்று தேனாம்பேட்டை வட்டாரத்தில் சுத்தமா கரெண்டு கட்டே இல்லயாமே? உண்மையா சார்.

ஞாயிறு அதிரடி: இந்த வாரம் "அதிமுக வேட்பாளர்களுக்கு சில டிப்ஸ்" படிக்கத்தவறாதீர்கள்